Германија има голема потреба од квалификувани медицински кадри од странство. Сепак, дипломата стекната надвор од Германија не е доволна за самостојна работа во здравствениот систем.

За да можете официјално да работите како лекар, стоматолог или фармацевт, потребно е да поминете низ процес на признавање на квалификацијата (Anerkennung) и да добиете Approbation – државна лиценца за работа.

Овој процес вклучува неколку чекори: подготовка на документи, проверка на образованието, познавање на германски јазик и полагање на стручни испити.

1. Основни услови

Пред да започнете со постапката, потребно е да ги исполнувате следните услови:

• Завршено високо образование во една од следните области:
  • медицина
  • стоматологија
  • фармација
• Познавање на германски јазик (најмалку B2 ниво– општ јазик)

Покрај тоа, потребна е документација со која се докажува образованието и професионалното искуство.

2. Потребни документи

За аплицирање за Approbation најчесто се бараат следните документи:

• диплома за завршено образование
• уверение за положени предмети и оценки
• наставна програма – доколку е потребно
• доказ за работно искуство (доколку има)
• биографија (Lebenslauf на германски јазик)
• копија од пасош или лична карта
• извод од матична книга на родени
• уверение за неосудуваност (Führungszeugnis)
• лекарско уверение (Gesundheitszeugnis)
• сертификат за познавање на германски јазик најмалку Б2

Сите документи кои не се на германски јазик мора да бидат преведени од овластен судски преведувач.

3. Каде се поднесува барањето?

Во Германија не постои единствен централен орган. Барањето се поднесува до надлежната институција во соодветната покраина (Approbationsbehörde), каде што планирате да работите.

Примери по покраини:

Baden-Württemberg

• Regierungspräsidium Stuttgart
• Regierungspräsidium Karlsruhe
• Regierungspräsidium Freiburg
• Regierungspräsidium Tübingen

Bayern

• Regierung von Oberbayern (Минхен)

Berlin

• Landesamt für Gesundheit und Soziales Berlin

Институцијата ја проверува комплетната документација и ја оценува еквивалентноста на образованието со германските стандарди.

4. Стручен јазичен испит (Fachsprachprüfung – FSP)

Покрај општото познавање на германски јазик Б2, задолжително е да се покаже и професионална комуникација во медицинска средина.

Потребно е:

• ниво B2 (општ германски јазик)
• полагање на Fachsprachprüfung (FSP) – ниво C1 (стручен јазик)

На испитот се оценува:

• разговор со пациент и земање анамнеза
• објаснување дијагноза и терапија
• пишување медицинска документација
• комуникација со колеги и презентација на случај

Целта е да се докаже способност за професионална комуникација во германскиот здравствен систем.

5. Признавање на дипломата (Anerkennung)

По поднесување на барањето, надлежната институција ја споредува вашата диплома со германските образовни стандарди.

Дипломите стекнати надвор од Европската Унија најчесто не се признаваат автоматски како целосно еквивалентни, па затоа се бара полагање на Kenntnisprüfung – стручен испит

6. Kenntnisprüfung – стручен испит

За дипломи стекнати надвор од Европската Унија, најчесто бара Kenntnisprüfung.

Овој испит го проверува стручниот медицински/фармацевтски или стоматолошки ниво и неговата усогласеност со германските стандарди.

За лекари, најчесто опфаќа:

• интерна медицина
• хирургија
• итна медицина
• други клинички области

За стоматолози и фармацевти, испитот е прилагоден според професијата.

7. Добивање на Approbation

Откако ќе ги исполните сите услови:

• призната диплома
• германски јазик B2
• положен Fachsprachprüfung
• положен Kenntnisprüfung
• комплетна документација

добивате:

Approbation – државна лиценца за работа

Со Approbation имате право да работите како целосно признат медицински професионалец во Германија.

Колку трае процесот?

Времетраењето зависи од:

• покраината каде што аплицирате
• комплетноста на документите
• брзината на институцијата
• подготовката за јазичните и стручните испити

Затоа е препорачливо документацијата да биде целосно и правилно подготвена од самиот почеток.

Заклучок

Патот до Approbation во Германија бара време, трпение и добра подготовка, но претставува одлична можност за професионален развој во еден од најразвиените здравствени системи во Европа.

Клучни чекори:

1. Подготовка на документи
2. Поднесување барање за Anerkennung/Approbation
3. Германски јазик (B2 + Fachsprachprüfung)
4. Kenntnisprüfung
5. Добивање Approbation и започнување со работа

Слични стати: Работа како доктор во Германија, со диплома од трета земја. https://ucamgermanski.mk/%d1%80%d0%b0%d0%b1%d0%be%d1%82%d0%b0-%d0%ba%d0%b0%d0%ba%d0%be-%d0%b4%d0%be%d0%ba%d1%82%d0%be%d1%80-%d0%b2%d0%be-%d0%b3%d0%b5%d1%80%d0%bc%d0%b0%d0%bd%d0%b8%d1%98%d0%b0-%d1%81%d0%be-%d0%b4%d0%b8%d0%bf/